Driehoekbriefies

7 jaar is 'n lang tyd... Maar herinneringe vergaan nooit. Driehoekbriefies, suigstokkies, Fanta Orange, rugby, bordkryt, Highveld, hubbly, Spur, Honeydew, blouboeke, donderstorms, soene in die reën, stoepkuiers, lê op die bank, toekomsplanne, trouplanne.Vriende...Voordele...Verlief...Lief....vir altyd Verwyt...Spyt kom altyd te laat.

Kyk

Sien jy,
dat wanneer ek na jou kyk
Ek jou werklik sien.

Hartklop

Jy is my hartklop
My stilte
My vreugde
My vrede...
Jy is die liefde van my lewe.

Jy is my lig

1. As die toekoms blink is en die sterre se geflikker vir my wink. As die helder maan my wakker maak en sy lig my na buite roep. Dan sal ek weet dat jy die een is wat lig bring in my lewe. My uit die skadu uit trek in jou ligkring in om styf langs jou te kom sit. Verlig, verlief, veilig...vir altyd.

Realiteit

Toe ek wakker word voel my drome oorbodig...
want realiteit voel soos 'n droom. 
Maak my wakker...
knyp my...
ek is bang realiteit is die koue glas water in my gesig.